അമ്മയ്ക്ക്..
ഒരുപാടുണ്ട്..
അലക്ക് കല്ലിന്മേലെ വലിയ വിഴുപ്പു ഭാണ്ഡം ..
കിണറ്റിന്‍ കരയിലെ എച്ചില്‍പാത്രങ്ങള്‍..
വിരുന്നു മുറിയിലെ സ്ഥാന ഭ്രംശങ്ങള്‍..
മക്കളുടെ നിരാഹാര സമരങ്ങള്‍..
അച്ഛന്റെ മുന്‍ കോപം..
എല്ലാം അമ്മയ്ക്കുള്ളതാണ്..
അച്ഛന്..
പണ്ട്,
മൂക്കറ്റം കള്ളില്‍ മുങ്ങിയാലും
എന്റെ പരിപ്പുവടകള്‍ അരയിലെ നോട്ടീസു പൊതിയില്‍
ഭദ്രമായി അമര്‍ത്തി പിടിക്കുന്ന സ്നേഹത്തിന്...,
ഇന്ന്,
കൊക്ക്ടെയിലും നിശാവിരുന്നും കഴിഞ്ഞ്,
വീടിലേക്കുള്ള വഴി മറന്നു നില്‍കുന്ന അച്ഛന്റെ മുഖം പോലും
നഗരത്തിന്റെ വിഷപുക മറഞ്ഞതിനാല്‍
എനിക്കോര്‍തെടുക്കാന്‍ പറ്റുന്നില്ല...
No comments:
Post a Comment